გრანტი
დებატებისა და განათლების ინსტიტუტის მიზანია ფორმალური დებატების სწავლების საშუალებით ხელი შეუწყოს ახალგაზრდებში კრიტიკული აზროვნების, არგუმენტაციისა და კომუნიკაციის უნარების განვითარებას.
ორგანიზაციის წარმომადგენლები მრავალი წელია თანამშრომლობენ საერთაშორისო და ადგილობრივ საგანმანათლებლო ინსტიტუტებთან და აქტიურად მუშაობენ, როგორც ზოგად, ისე პროფესიულ და უმაღლეს განათლებაში დებატების ინტეგრაციაზე.
პროექტის ამოცანები და საქმიანობის მიმართულებებია
- პროფესიული კოლეჯებისა და ინტეგრირებული პროგრამების მქონე სკოლების პედაგოგების გადამზადება დებატების ფორმატში სწავლების მიმართულებით;
- დებატების ექსტრაკულიკურალური პროგრამების დანერგვა პროფესიულ კოლეჯებში;
- დებატების კლუბების გახსნა და გაძლიერება რეგიონულ და ეროვნულ დონეზე;
- ერთობლივი საჯარო დებატებისა და ტურნირების ორგანიზება, სადაც მონაწილეობას მიიღებენ როგორც ზოგადსაგანმანათლებლო, ასევე პროფესიული დაწესებულებების მოსწავლეები და სტუდენტები;
- დებატების კონფერენციებისა და გამოცდილების გაზიარების სესიების ჩატარება პედაგოგებისთვის;
- პროფესიული განათლების პოპულარიზაცია ახალგაზრდებში და ამ მიმართულებისადმი ინტერესის გაზრდა.
პროექტის ძირითადი აქტივობების განრიგი
- პედაგოგთა გადამზადება – 2025 წლის ოქტომბერი-ნოემბერი
- კლუბების გახსნა/ სწავლების დანერგვა – 2025 წლის ნოემბერი
- რეგიონული და ეროვნული ტურნირები – 2025 წლის ნოემბერი/დეკემბერი
- წლიური კონფერენცია – 2026 წლის თებერვალი, მაისი
გრანტის მიმღები
პროექტი ხორციელდება გუდავაძე-პატარკაციშვილის ფონდის მხარდაჭერით და საქართველოს განათლების, მეცნიერების და ახალგაზრდობის სამინისტროსთან თანამშრომლობით. მისი მიზანია დებატების სწავლების ინტეგრაცია პროფესიულ და ზოგადსაგანმანათლებლო სისტემებში, რაც ხელს უწყობს ახალგაზრდების ზოგადი განათლების, კრიტიკული აზროვნებისა და პროფესიული რეალიზაციისთვის საჭირო უნარების განვითარებას.
პროექტის ფარგლებში დაიწყო პროფესიულ სასწავლებლებსა და ზოგადსაგგანამანათლებლო სკოლებში (სადაც ინტეგრირებული სასწავლო პროგრამები ინერგება) დებატების ტექნიკასა და კლუბების მართვაში პედაგოგების გადამზადება საკუთარ დაწესებულებებში დებატების კლუბების შექმნისა ან/და სასწავლო საგნებში დებატების ტექნიკის ინტეგრირების მიზნით.
პარტნიორები და მხარდამჭერები
- საქართველოს განათლების, მეცნიერების და ახალგაზრდობის სამინისტრო
- გუდავაძე-პატარკაციშვილის ფონდი
- პროფესიული უნარების სააგენტო