განათლების დონის გაუმჯობესების/ამაღლების და სისტემაში არსებული სტრუქტურული პრობლემების გადაჭრის ერთ-ერთი გზაა საგანმანათლებლო ინიციატივების მხარდასაჭერად პროგრამების შემუშავება. ამ საქმიანობაში მნიშვნელოვან როლს ასრულებენ საქველმოქმედო ფონდები, სოციალური ინსტიტუტები და სხვა არაკომერციული ორგანიზაციები.
ბადრი პატარკაციშვილი დაიბადა 1955 წელს საქართველოში, ქ. თბილისში. ის გახდა ქვეყნის ერთ-ერთი ყველაზე წარმატებული ბიზნესმენი და უდიდესი ფილანტროპი.
მე, როგორც ამაყ ქართველს, მსურს დავინახო ჩემი ქვეყნისთვის უფრო სამართლიანი და წარმატებული მომავალი. ეს იყო ის, რისთვისაც ბადრი მთელი თავისი ცხოვრების მანძილზე იბრძოდა და მე მინდა ყოველივე ეს მისი სახელით გავაგრძელო. მჯერა, რომ განვითარებისკენ სწრაფვის გზა ჩვენი ახალგაზრდების განათლებაში მდგომარეობს. სწორედ ამიტომ გუდავაძე-პატარკაციშვილის ფონდის საქმიანობა საქართველოში განათლების სტანდარტის გაუმჯობესებას ეძღვნება.
ფონდის მისიაა ხელი შეუწყოს ქვეყანაში განათლების სისტემის განვითარებას, რადგან სწორედ განათლება აძლევს საშუალებას თითოეულ ადამიანს გაიზიაროს ქართული და მსოფლიო კულტურა, გახდეს მისი ნაწილი, გააცნობიეროს პირადი პოტენციალი და იპოვოს ღირსეული ადგილი ცხოვრებაში, ამით კი თავად გახდეს საზოგადოებისა და სახელმწიფოს კეთილდღეობის საფუძველი.
ეროვნული საგანმანათლებლო სისტემის მხარდაჭერაში მაქსიმალურ ეფექტს მივაღწევთ თუკი ვასწავლით მათ, ვინც ასწავლის, ხელს შევუწყობთ მათ განვითარებას, ვინც ჩვენი ახალგაზრდების განვითარებაზე ახდენს გავლენას.
ფონდი ახდენს ფოკუსირებას ისეთი პირობების შექმნაზე, რომ საგანმანათლებლო სისტემის თითოეული მონაწილე შეძლებს პროფესიულ დაახლოებას და შეიტყობს ახალი შესაძლებლობების შესახებ. ამდენად, უნდა მივცეთ ცოდნა მათ, ვინც თავად გასცემს ცოდნას. მიგვაჩნია/გვჯერა, რომ განათლების სისტემის განვითარება ეფუძნება გამჭვირვალობას, მოქმედებების თანმიმდევრულობას და კონკურენტულ გარემოს.
გვსურს შემოვიტანოთ საერთაშორისო გამოცდილება, შევქმნათ საზოგადოებრივი და კერძო პარტნიორობის წარმატებული მოდელი ეროვნული განათლების სისტემის სრულყოფილი მხარდაჭერის სისტემის შესაქმნელად, რათა დავეხმაროთ მათ, ვინც თავად ეხმარება.
მასწავლებლის პროფესიის პოპულარიზაცია და პრესტიჟის ამაღლება
მასწავლებელთა პროფესიული განვითარება
მასწავლებლებისა და საგანმანათლებლო საზოგადოებათა პროფესიული ინტეგრაციის განვითარება, პროფესიული გამოცდილების ურთიერთგაზიარების პირობების შექმნა
პროფესიული ორიენტაციის სისტემის განვითარება და სტუდენტებისა და პედაგოგების ცნობიერების ამაღლება
საგანმანათლებლო დაწესებულებების მართვის საუკეთესო გლობალური პრაქტიკის დანერგვა
განათლების სფეროში საერთაშორისო თანამშრომლობის განვითარება
განათლების სისტემაში შემოქმედებითი ინიციატივებისა და ინოვაციების მხარდაჭერა და სოციალურად მნიშვნელოვანი გრძელვადიანი საგანმანათლებლო პროექტების განხორციელება